Яшь Чаллы рәссамы Дарья Смолинаның күргәзмәсе Халыкара балаларны яклау көненә багышлана. Экспозициядә живопись, басма графика һәм акварель әсәрләре тәкъдим ителгән. Линогравюра техникасында башкарылган «Балалар» һәм «Балалар хыяллары» серияләре, ксилографиядәге «Фәрештәләр» сериясе ана булу һәм балачак темасын ача. Күргәзмәне балалар сурәтләре төшерелгән майлы буяу белән ясалган картиналар тулыландыра. Аның иҗатында балалар дөньяга карашын, бала фикерләвен, аның рухи тормышын һәм эмоциональ өлкәсен хас иткән үзенчәлекләр мөһим урын алып тора: балалар мифологизмы; балалар активлыгының төп формасы буларак уен; балалар фантазиясенең гадәттән тыш киң һәм бай дөньясы; бала җанының бөтенлеге, аның сафлыгы һәм ихласлыгы, балада икеләнүнең, ясалмалыкның булмавы, рухи һәм җан сәламәтлеге; стереотиплардан, нормалардан һәм шартлылыклардан ирек, хисләрне белдерү иреге, рухи ирек; иҗади энергия. «Тикшерелмәгән җир» акварель эшләр циклы табигатьне нечкә күзәтүләрнең авторлык интерпретациясе белән аерылып тора.
Дарья Тарас кызы Смолина 1987 елда туган, М. Акмулла исемендәге Башкорт дәүләт педагогия университетын тәмамлаган. Татарстан Республикасы Рәссамнар берлеге әгъзасы (2020). Яр Чаллы шәһәрендә яши һәм иҗат итә.
