«Иҗади тормышка 20 ел» күргәзмәсе

Күргәзмә Чаллы шагыйрәсе һәм рәссамы Людмила Константиновна Дорженковская истәлегенә багышлана. Л. К. Дорженковская шигърияте тирән шәхси характерга ия һәм тормышны, кичерешләрне фәлсәфи аңлау белән сугарылган. Шул ук вакытта аның шигырьләре укучыларның күңеленә тиз үтеп керә, чөнки алар гомумкешелек хисләрен чагылдыра. Шигъри теленең метафоралылыгы һәм образлылыгы, юлларның җиңеллеге һәм моңлылыгы аның иҗатын җиңел истә калдырырлык итә. Бәлки, нәкъ менә шуңа күрә дә аның сүзләренә төрле авторлар һәм башкаручылар тарафыннан күп кенә җырлар иҗат ителгән.

Людмила Дорженковскаяның таланты гаҗәеп күпкырлы: ул шулай ук үзенең заманча авторлык техникасында башкарылган фәлсәфи картиналары белән дә танылган рәссам буларак билгеле.

Күргәзмәдә Людмила Дорженковскаяның тормыш иптәше В. В. Варнашовның да эшләре тәкъдим ителәчәк.