Граждан һәм муниципаль хезмәт вакансияләренең бердәм базасы
Вакансияләрне карарга →
Балаларны яклау көнендә шәһәрнең тарихи-туган якны өйрәнү музеенда чаралар үткәрү матур традициягә әверелде.
1 июньдә Татарстан Республикасы премьер-министры урынбасары Ләйлә Фазлыева «Созвездие-Йолдызлык» ачык республика яшьләр эстрада сәнгате телевизион фестиваль конкурсы җиңүчеләренә дәүләт стипендияләрен тапшырды. Быел Яр Чаллының «Мизгел» җыр театры вокал номинациясендә Гран-прига лаек булды.
Яр Чаллының Орган залында Балаларны яклау көненә багышланган хәйрия концерты узды. Барлык җыелган акчалар «Могҗиза-балалар» дәвалау педагогикасы үзәген үстерүгә – терроризмга һәм янгынга каршы чараларны тормышка ашыруга һәм әйләнә-тирә территорияне оештыруга юнәлдереләчәк.
Бәйрәм чаралары шәһәрнең барлык өч районында да оештырылды һәм көне буе дәвам итте.
Халыкара балаларны яклау көнендә «Солнышко» тернәкләндерү үзәгендә сәламәтлек ягыннан мөмкинлекләре чикле балалар һәм яшүсмерләр арасында «Балачак дөньясы» X юбилей республика рәсем конкурсында җиңүчеләрне һәм катнашучыларны бүләкләделәр. Конкурс гамәлгә кергән вакыттан анда 1 500дән артык бала катнашкан.
Комсомол районында Татарстанның атказанган мәдәният хезмәткәре Флера Хөрмәт кызы Хөрмәтова 80 яшьлек юбилеен билгеләп үтә. Флера Хөрмәт кызы, баянчы, Татарстан Республикасының атказанган артисты, Фәйзулла Туишев исемендәге гармунчылар конкурсы лауреаты, Татарстанның атказанган мәдәният хезмәткәре, 1942 елның 1 июнендә ТАССРның Әгерҗе районы Мукшур авылында туа. Мәктәпне тәмамлаганнан соң, Лениногорск музыка-сәнгать педагогика көллиятен, аннан соң Казан дәүләт мәдәният һәм сәнгать университетының баян классы буенча оркестр бүлеген тәмамлый.
2 июньдә Яр Чаллыда алмашынучан болытлы һава көтелә, явым-төшемсез. Җил көньяк-көнбатыштан, көнбатыштан 3-8 м/с тизлектә. Т өнлә минималь һава температурасы +8..+12˚. Көндез максималь һава температурасы +22..+27˚.
ГЭС поселогының Мәдәният һәм ял паркында Балаларны яклау көненә багышланган бәйрәм чарасы узды. Бәйрәм чарасын Комсомол районы хакимияте башлыгы урынбасары Эльвира Вәлиева ачып җибәрде: «Сезне Балаларны яклау көне белән котлыйм! Балачак – теләсә кайсы кеше тормышында иң тылсымлы вакыт. Һәр бала әти-әнисенең кайгыртучанлыгын тоеп яшәсен иде. Күкләребез һәрвакыт аяз, ә һәр яңа көн –игелекле һәм кызыклы булсын».
«КАМАЗ» футбол клубы анкеталаштыру оештырды. Аның нәтиҗәләре буенча җанатарларның теләкләрен һәм аларны өй матчларына җәлеп итү юлларын белеп булачак. Сораштыруда катнашучыларның барысы да футбол клубы партнерларыннан кыйммәтле призлар уйнатуда автомат рәвештә катнаша. Призлар уйнату анкеталаштыру нәтиҗәләре буенча үткәреләчәк.
Балаларны яклау көнендә Үзәк районы хакимияте башлыгы вазифаларын башкаручы Алексей Тарабукин һәм Татарстан Республикасы Дәүләт Советы депутаты Николай Атласовның ярдәмчеләре Людмила Кунце һәм Эдуард Сабиров Үзәк районы территориясендә яшәүче күп балалы Быдановлар гаиләсендә кунакта булдылар. Станислав белән Анна тугыз бала тәрбиялиләр, өлкәнрәкләре – студентлар, ә иң кечкенәсенә – алты яшь.
Автозавод районында яшәүче Бөек Ватан сугышы ветераны, тыл хезмәтчәне Миңнесорур Хуҗи кызы Хуҗина үзенең 95 яшьлек юбилеен билгеләп үтә.
«Асылташ» балалар һәм яшүсмерләр өчен социаль приютта тәрбияләнүчеләр өчен Россия Социаль иминият фондының Татарстан Республикасы буенча төбәк бүлегенең 9 нчы филиалы вәкилләре директорлары Ленар Шакиров җитәкчелегендә һәм «Фристайл» кибете директоры Илгиз Мәҗитов , «Брик Центр» директоры Максим Делягин ярдәмнәре белән бәйрәм оештырдылар.
Яр Чаллыда Украинада махсус операция барышында һәлак булган Василий Маковеевны соңгы юлга озаттылар. 56 яшьлек ир-ат Яр Чаллы шәһәре Үзәк һәм Автозавод районнары хәрби комиссариатыннан 2022 елның 21 апрелендә җибәрелгән иреклеләр отрядына кергән була. Василий Викторовичның хатыны һәм өч баласы калды.
2021-2022 уку елы нәтиҗәләре буенча Татарстан Республикасында конкурс нигезендә сәнгать-эстетик юнәлештәге уку йортларының 40 иң сәләтле һәм хезмәт сөючән тәрбияләнүчесе сайлап алынды. Шуларның 12се – Яр Чаллы укучылары.
Бүген мәктәп яны һәм шәһәр яны лагерьлары яшь чаллылыларны кабул итә башлады. Бу җәйдә 51 мәктәп базасында 7 800 бала өчен мәктәп яны лагерьлары эшләячәк.
Хөрмәтле чаллылылар!
Украинаны демилитаризацияләү һәм денацификацияләү буенча махсус операция барышында Василий Викторович Маковеев һәлак булган. 56 яшьлек ир-ат Яр Чаллы шәһәре Үзәк һәм Автозавод районнары хәрби комиссариатыннан 2022 елның 21 апрелендә җибәрелгән иреклеләр отрядына кергән була.
Бүген шәһәр хезмәтләре тарафыннан шәһәр пляжын кабул итү үткәрелде. Торак коммуналь хуҗалык идарәсе, Кече суднолар буенча дәүләт инспекциясе вәкилләре Табиев исемендәге яр буен карап уздылар, буйкалар, коткару вышкалары булуларын тикшерделәр. Ял итү өчен урында иртәнге 8дән кичке 8гә кадәр коткаручылар кизү тора – берсе вышкада, икенчесе пляж территориясен урап уза. Еш кына балалар югала, бу очракта коткаручылар ата-аналарын яки озатып йөрүче кешеләрен табарга булыша. Бүген коткаручыларга таныклыклар – эшкә рөхсәт кәгазьләре тапшырылды.
Татарстан Республикасы Икътисад министрлыгына караган «Татарстан Республикасы эшмәкәрлеккә ярдәм итү фонды» коммерциячел булмаган микрокредит компаниясе 2022 елның 27 маеннан түбәндәге микрофинанс продуктлары буенча процент ставкаларын киметте: «Импортны алыштыру» программасы 9,5%тан 7%ка кадәр; «Ярдәм» программасы 13,5%тан 9%ка кадәр; «Экспортны үстерү» программасы буенча 9,5%максималь ставкадан9%ка кадәр.
1 июньдә Яр Чаллыда алмашынучан болытлы һава көтелә, явым-төшемсез. Җил төньяк-көнчыгыштан секундына 4-9 метр тизлектә. Төнлә һаваның минималь температурасы +6..+10˚. Көндез максималь һава температурасы +20..+24˚.
