«Зөмрәт шәһәр тылсымчысы» спектакле

Тамашачылар Элли кыз, Тотошка исемле эт, Куркыткыч, Арыслан һәм тимер Утынчы белән бергә Зөмрәт шәһәргә мавыктыргыч сәяхәткә юлланачаклар. Тылсымлы әкиятләрдәгечә, бу әкият илендә аларны гадәти булмаган яшәүчеләр, сәер хайваннар һәм кызыклы, кайвакыт куркыныч та булган маҗаралар көтә. Ә юлда очраган күп кенә авырлыкларны җиңәргә дуслык, кызгану, үзара ярдәмләшү һәм игелеклелек ярдәм итәчәк.

Спектакль Россия Федерациясе Театр эшлеклеләре берлегенең «Россия Федерациясе Президенты патронаты астында балалар һәм яшүсмерләр театрларын дәүләт һәм җәмәгать ярдәме программасы» гранты ярдәмендә куелды.