Граждан һәм муниципаль хезмәт вакансияләренең бердәм базасы
Вакансияләрне карарга →
2021 елда Яр Чаллыда инженер, транспорт, юл һәм социаль өлкәләрдә 10,0 млрд сумлык масштаблы проектларны тормышка ашыру дәвам итте. Аппарат киңәшмәсендә төзелеш тармагының нәтиҗәләре турында шәһәр мэры Наил Мәһдиев сөйләде.
Гостева урамы буенча Батенчук урамыннан Аэродром урамына кадәрге участокта автомобиль юлын реконструкцияләү эшләре башкару сәбәпле, 3 гыйнвардан 26 автобус маршрутының хәрәкәт схемасына үзгәрешләр кертеләчәк.
Яр Чаллыда көнкүреш газы шартлаудан зыян күргән 48/20 йортын ремонтлау тәмамланды. Бүген аны файдалануга тапшырдылар. Шәһәр мэры Наил Мәһдиев төзекләндерелгән фатирларны карап чыкты һәм аларның хуҗалары белән аралашты.
Наил Мәһдиев коткаручыларга, хокук саклау органнары хезмәткәрләренә, предприятие коллективларына гадәттән тыш хәл урынында башкарган эшләре өчен рәхмәт белдерде.
Яр Чаллыда көнкүреш газы шартлаудан зыян күргән 48/20 йортын ремонтлау тәмамланды. Бүген аны файдалануга тапшырдылар.
Татарстан Республикасы Инвестицион советы утырышы барышында республика Президенты Рөстәм Миңнеханов шәхси микрорайонда яңа балалар бакчасы төзү проектын хуплады.
Яр Чаллыда 69 комплекста мәктәп төзелеше башланачак. Бу хакта бүген аппарат киңәшмәсендә шәһәр мэры Наил Мәһдиев хәбәр итте: «69 комплекста 1500 урынга исәпләнгән төзелешне башлау турында карар кабул ителде. Төзүчеләр мине ишетә. 2021 елның 1 сентябренә, тугыз айдан соң, яңа мәктәп ишекләрен ачу бурычы куелды».
Бүген Яр Чаллыда социаль ипотека программасы буенча 63/20 йортын тантаналы рәвештә файдалануга тапшыру булды. 490 фатирдан торган яңа бинада бюджет оешмалары һәм предприятиеләре хезмәткәрләре, биш һәм аннан күбрәк балалары булган күп балалы гаиләләр, табиблар, ятим балалар яшәячәк. Йорт – 10 катлы, 10 подъезддан тора.
Бүген Яр Чаллы мэры Наил Мәһдиев «Мастеровые» рус драма театрының яңа бинасы төзелеш мәйданчыгында булды. Хәзерге вакытта объектта түбә ябу буенча эшләр тәмамланган, бинаны герметизацияләү һәм вентиляция системасын урнаштыру эшләре бара.
Бүген Яр Чаллы шәһәре мэры Наил Мәһдиев 48/20 йортының ремонт барышы белән танышты. Хәзерге вакытта биредә барлык төзелеш конструкцияләре торгызылган яки алыштырылган. Шулай ук йортта җылылык бирелгән, бизәкләү эшләре тулы куәттә бара. Тышкы яктан агымдагы елның 25 октябрендә булган фаҗига турында берни дә искә төшерми.
Башкарма комитет җитәкчесенең беренче урынбасары Илья Зуев атна саен үткәрелә торган матбугат конференциясендә күпфатирлы торак йортта балкон һәм козырекларны реконструкцияләү тәртибе турында сөйләде.
Хәзерге вакытта Татарстан Республикасында үзмәшгульләр саны арта. Әйтик, хәзер 164 мең үзмәшгуль кеше теркәлгән. ТР буенча иң ныгы хезмәт күрсәтү өлкәсе үскән —чәчтарашханә, чәчәк студияләре, такси йөртү, хәтта маркетинг хезмәтләре.
Шәһәр мэры Наил Мәһдиев , шартлаудан зыян күргән йортта торгызу эшләре график буенча, иң сыйфатлы, заманча материаллар кулланып бара дип билгеләп үтте. Ул бишенче катка күтәрелде, белгечләр эшли торган барлык фатирларны карап чыкты, төзүчеләр белән аралашты.
Россия Федерациясе Финанс министрлыгы тарафыннан, балалары булган Россия Федерациясе гражданнарының торак шартларын яхшырту максатларында, «Балалар туганда гаиләләргә финанс ярдәме» Федераль проекты кысаларында, «Демография» милли проекты составында «Гаилә ипотека» ташламалы ипотека кредиты программасы гамәлгә ашырыла.
Яр Чаллыда, пандемия белән бәйле объектив кыенлыкларга карамастан, торак һәм башка мөһим социаль объектлар төзелеше планлаштырылган графиклар кысаларында бара.
«Мастеровые» рус драма театры бинасының әзерлеге 46% тәшкил итә. Объектны Чаллының Илнар Гайсин җитәкчелегендәге «Евростиль» компаниясе төзи. Төзелеш мәйданчыгында 170 кеше эшли. Хәзерге вакытта объектта кирпеч салу, бизәкләү эшләре, тышкы һәм эчке инженерлык челтәрләрен урнаштыру эшләре бара.
Шәһәр мэры Наил Мәһдиев Замелекесье районындагы күпер төзелеше мәйданчыгында булды. Гостев урамы автомобиль юлын реконструкцияләү барышы турында мэрга «РБР 16» генераль директоры, Шәһәр Советы депутаты Таһир Сөнгатуллин сөйләде. Хәзерге вакытта башкарылган эшләр күләме 25% тәшкил итә.
Яр Чаллыда 2021 ел программасына кертелгән 144 йортны ремонтлау 99,3%ка башкарылган. Капиталь ремонт бәясе 1 млрд 473 млн сум тәшкил итә. Бу хакта Башкарма комитет җитәкчесенең беренче урынбасары Илья Зуев хәбәр итте.
Хәзерге вакытта махсус сызымнар буенча яңа тимер-бетон конструкцияләр эшләнелә. Алар 11 подъездда зыян күргәннәре урынына урнаштырылачак.
Шәһәр мэры Наил Мәһдиев шәһәр өчен иң көтеп алынган объектларының берсенең төзелеш мәйданчыгында булды, йогышлы авырулар хастаханәсен капиталь ремонтлауның барышын бәяләде. Мэр йогышлы авырулар хастаханәсе бинасын ремонтлау тиз темпларда барганын, ләкин аны җиһазлау мәсьәләсе калганын билгеләп үтте.
