Баш бит
Яңалыклар
Образование

Новости

Танылган

Фильтрлар

Басталу вакыты

Башта яңалары Башта искеләре

Дата

Теглар

Барлык теглар Сәясәт Чара Көн яңалыгы Төбәк яңалыклары Туризм Төбәк яңалыклары Чара Һава торышы Куркынычсызлык Төзекләндерү Яшьләр сәясәте Транспорт Конкурс Космонавтика көне Социаль ярдәм Спорт казанышлары Бизнес киңәшләре Сәламәтлек Казанышлар Инженерлык белеме Экологик мәгариф Мәгариф

Мәгариф
Чаллы дәүләт педагогия университеты туган көнен билгеләп үтте

Чаллы педагогия университетына 33 яшь тулды.Традиция буенча, үзенең туган көне хөрмәтенә университет «Студентлар Сабантуе» оештыра, ул барлык факультет студентларын бер майданда берләштерә. Университет каршындагы мәйданчыкта тантаналы ачылыш булды, ул «Шкырт» бию коллективының татар популяр көйләре астында чыгыш ясавы белән башланып китте. Университет ректоры Әлфинур Галиакберова бөтен коллективка бәйрәм кәефе һәм милли уеннарда актив катнашу теләде. Бәйрәм кунагы-физик культура һәм спорт идарәсе башлыгы Роман Насрединов та сәламләү сүзе белән чыгыш ясады. Ул уку йорты ректорына ГТОның алтын билгесен тапшырды.

30.05.2023
57
Мәгариф
Яшь чаллылылар туган телне мультфильмнар аша өйрәнә

104 нче «Бәләкәч» балалар бакчасында өлкән мәктәпкәчә яшьтәге балалар һәм балалар бакчалары педагоглары өчен «Мультипликация канатларында туган телгә» шәһәр фестиваль-конкурсы узды, ул педагог һәм остаз елына багышланган. Фестивальдә 37 балалар бакчасы катнашты. Бу 5 яшьтән 40 яшькә кадәр 167 кеше. Педагоглар иҗади идеяләрне төрле номинацияләрдә тәкъдим иттеләр: «Мультляндия», «Мультгерой», «Үз кулларың белән китап». Алар шулай ук балалар белән эшләүдә инновацион технологияләрне куллану буенча мастер-класслар күрсәттеләр.

29.05.2023
287
Мәгариф
Чаллы укучылары мәктәп туклануы системасын үзгәртергә тәкъдим итә

ИТ-паркта «Шәһәр икътисады үсеше юнәлешләре тәгәрмәче» хакатонына йомгак ясалды. Конкурста катнашучыларны шәһәр мэры Наил Мәһдиев котлады һәм яшь чаллылыларның проектларын бәяләде.

26.05.2023
103
Сәясәт
"Мәктәп-көч үзәге": Наил Мәһдиев Яр Чаллы дәүләт педагогия университеты студентлары белән очрашты

Шәһәр мэры Наил Мәһдиев максатчан юнәлеш буенча белем алучы студентлар белән аралашу өчен Яр Чаллы дәүләт педагогия университетына барды. Бүген бу 56 студент, шуларның 32се югары белем (алар өчен өлешчә республика бюджеты түли, өлешчә бу федераль квота) һәм 24 студент урта һөнәри белем ала. Аларны укыту өчен түләүне шәһәр бюджеты үз өстенә ала. Студентларның күпчелеге уку программасын уңышлы үзләштерә.

26.05.2023
404
Мәгариф
Яшь ленинчылар өчен кыңгырау чыңлады

Бүген Замелекесьеда урнашкан 39 нчы мәктәптә 11 нче сыйныфны тәмамлаучылар өчен соңгы кыңгырау чыңлады. Мәктәп 2018 елда төзелгән, 11а сыйныф уку йортының беренче чыгарылышы. Чыгарылыш сыйныф укучыларын шәһәр мэры Наил Мәһдиев котлады: "Рәхмәт сүзләре – безнең хөрмәтле укытучыларыбызга, мөгаллимнәребезгә, алар белем бирү белән генә чикләнмичә, үз эшләренә күңел җылыларын да салдылар, балалар белем алсыннар, дуслашырга, бер-берсен хөрмәт итәргә өйрәнсеннәр өчен зур көч куйдылар. Ата-аналар өчен бу көннәр шатлыклы һәм шул ук вакытта моңсу да. Кадерле чыгарылыш сыйныф укучылары! Язучы В. Каверинның сүзләрен истә тотыгыз: "көрәшергә һәм эзләргә, табарга һәм бирешмәскә!", бу кагыйдә сезнең йөрәкләрегездә яшәсен".

25.05.2023
342
Мәгариф
Чаллыда яңа мәктәпләргә кабул итү башланды

Укырга керү өчен гаризаларны кабул итү шушы атнадан, төзелеп килүче ике мәктәптә башлана: берсе 34 микрорайонда, икенчесе – "Притяжение" торак комплексы районында. Яңа мәктәпләргә кабул итү турында матбугат конференциясендә мәгариф идарәсе башлыгы Рөстәм Хуҗин, шулай ук яңа мәктәп директорлары Рамил Садриев һәм Елена Фидоренко хәбәр итте. Матбугат конференциясеннән туры эфирны «Вконтакте»дагы «Чаллы шәһәре администрациясе» төркемендә күрергә мөмкин.

24.05.2023
394
Мәгариф
Чаллыда мәктәп укучылары газета чыгарды

Шәһәр укучылар Советы депутатлары, "Беренчеләр хәрәкәте" активистлары һәм шәһәр укучылары «Кама агымында»дип аталган басма газетаның беренче чыгарылышын тәкъдим иттеләр. Презентация шәһәрнең иң югары ноктасында 2.18 бизнес-үзәк түбәсендә узды.

24.05.2023
94
Мәгариф
Чаллыда иң яхшы мәктәп бизнес-проектлары билгеләнде

Яр Чаллыда "Эшмәкәрлек лабораториясе" проектында катнашучылар арасында " Мин – эшмәкәр!" шәһәр конкурсының финалы узды. Ул эшмәкәрлек декадасы кысаларында үткәрелде. «Эшмәкәрлек лабораториясе» иҗтимагый проекты «Бердәм Россия» һәм "Үсеш партиясе" партияләренең җирле бүлекчәләре инициативасы белән гамәлгә ашырыла. Проектта дүрт мәктәптән 90лап югары сыйныф укучысы катнашы, шулардан: 36, 40, 60, 77 нче мәктәпләр. Алар шәһәрнең тәҗрибәле эшмәкәрләре җитәкчелегендә бизнес нигезләрен үзләштерәләр һәм үз проектларын эшлиләр.

24.05.2023
55
Мәгариф
Чаллы укучылары "Мәктәп туклануы" комбинатына үз киңәшләрен бирделәр

23 нче мәктәп укучылары Башкарма комитет җитәкчесе урынбасары Наталья Кропотова катнашында «Мәктәп туклануы» комбинатына һәм Сәүдә-технология көллиятенә экскурсия кылдылар. Экскурсия Хакатон "Шәһәр икътисады үсеш юнәлеше тәгәрмәчләре" шәһәр конкурсы кысаларында узды. 23 нче мәктәп командасы «Мәктәп туклануы проблемасы» проекты белән конкурста өченче урынны яулый.

23.05.2023
461
Мәгариф
Чаллылылар өстәмә белем бирү буенча конкурста беренче урыннарны яулады

Педагог һәм остаз елы кысаларында 17-20 майда Санкт-Петербургта ике мөһим белем бирү вакыйгасы була: VIII Бөтенроссия һөнәри конкурсының финалы "Арктур" һәм өстәмә белем бирү мәсьәләләре буенча Форум, ул К.Д. Ушинский идеяләре билгесе астында "Кеше тәрбия предметы" буларак уза.

23.05.2023
437
Мәгариф
Нәни чаллылылар татар халык уеннары белән таныша

5 нче «Теремок» балалар бакчасында «Эш беткәч, уйнарга ярый» дип исемләнгән күңел ачу чарасы узды. Балалар «Йөзек салыш», «Түбәй», «Капкалы» татар халык уеннарын уйнадылар, халкыбызның яраткан җырларын, санагычларын, такмакларын башкардылар. Татар халык уеннары тарихы халык тарихы, аның хезмәт эшчәнлеге, көнкүреше, гореф-гадәтләре, йолалары, сынамышлары, ышанулары белән бәйле. Алар татар халкы милли мәдәниятенең аерылгысыз өлеше булып торалар.

23.05.2023
395
Мәгариф
Чаллы активистлары "Лидерлар мәктәбендә" укулар узды

"Мирас-Наследие" лагере базасында «Орион» яшьләр үзәге тәрбияләнүчеләре, «#Prodeti» «ТР Өстәмә белем бирү системасы»ның Чаллы филиалы активистлары «Лидерлар мәктәбе» республика профильле сменасында катнаштылар. Оешманы 15 кешедән торган команда тәкъдим итә.

22.05.2023
310
Мәгариф
Чаллыда психологик-педагогик сыйныфлар слеты узды

Шәһәр һәм Яр Чаллы дәүләт педагогия университеты тарихында беренче тапкыр психологик-педагогик сыйныфларның шәһәр слеты узды. Истәлекле вакыйга өчен дата очраклы гына сайланмаган: 19 майда Россиядә 100 елдан артык беренче балалар пионер оешмасы барлыкка килүе билгеләп үтелә.

19.05.2023
310
Мәгариф
Шәһәрдә «Абилимпикс» чемпионаты старт алды

Яр Чаллы педагогия көллиятендә инвалидлар һәм физик мөмкинлекләре чикләнгән затлар арасында һөнәри осталык буенча региональ чемпионат старт алды. Чемпионатта Казан, Түбән Кама, Чаллы, Алабуга шәһәрләреннән, Минзәлә, Арча, Лаеш муниципаль районнарыннан 65 конкурсант һәм 23 эксперт катнашты. Чемпионат үз эченә дүрт компетенцияне ала: "Сәйләннән үрү", "Башлангыч сыйныфлар укытучысы", "Мәктәпкәчә тәрбия", "Цифрлы дизайн", "Интеллектуаль спорт төрләре буенча инструктор". Катнашучылар өч категория буенча ярышалар: мәктәп укучысы, студент, белгеч.

18.05.2023
465
Мәгариф
Чаллының яшь профессионаллары бүләкләр алды

Яр Чаллыда балалар бакчасы, мәктәп укучылары, урта махсус уку йортлары һәм югары уку йортлары укучылары арасында «Яшь мастер» һәм «Яшь профессионаллар» региональ чемпионатының муниципаль этабы узды. Җиңүчеләрне бүләкләү 59 нчы «Адымнар-Чаллы» гимназиясендә оештырылды. Конкурсның беренче елында анда 90 укучы катнашты. Быел иң яхшы исем өчен 500 укучы көч сынашты. Чемпионат 40 компетенция буенча уздырыла. Гомумән алганда, чаллылылар 45 бронза, 57 көмеш һәм 57 алтын медаль яулады. Шулай ук бүләкләү тантанасында яшь чаллылыларның директорларын, педагогларын һәм остазларын билгеләп үттеләр.

17.05.2023
469
Мәгариф
Кышкы бакчасы булган мәктәпкә ремонт ясалачак

Шәһәр мэры Наил Мәһдиев бүген берничә төзелеш объектында булды, шуларның берсе – 44 нче мәктәп. 1985 елда төзелгән бу белем йортына шул вакыттан, бирле бер тапкыр да ремонт үткәрелмәгән. Мәктәп үзе уникаль, аны үз вакытында Картон-кәгазь комбинатының беренче генераль директоры Сергей Павлович Титов төзегән, мәктәп проекты Татарстан Республикасында бердәнбер һәм бөтен Россия буенча икенче. Мәктәптә кышкы бакча бар, бакча өстендәге гөмбәзгә бердәнбер ремонт 2019 елда башкарылган. Хәзерге вакытта бинада түбә ябу эшләре тәмамланган. Демонтаж, бизәү эшләре, эчке инженерлык челтәрләрен (җылыту һәм канализация, электр монтажлау эшләре, аз агымлы челтәрләр), тәрәзәләрне монтажлау буенча эшләр алып барыла. Моннан тыш, мәктәптә 2005 елдан бирле эшләмәүче бассейн бар, аны ремонтлау өчен өстәмә финанс чаралары кирәк. Ремонт эшләре вакытында инде зур үзгәрешләр булган: 150 урынлы актлар залы 200 урынга кадәр зурайтылган, барлык кабинетлар яңа техника белән яңартылган диярлек. Мәктәп директоры Лилия Нуртдинова мәктәпкә үзгәртеп корулар кирәклеген билгеләп үтте: «Без, микрорайонда яшәүчеләр, укучыларыбызның әти-әниләре капиталь ремонтка бик шатландык һәм ул тәмамлангач барлык өметләребезне аклар дип ышанабыз.

17.05.2023
297
Мәгариф
Чаллылылар - яшь профессионаллар

Чаллыда 10 яшьтән 16 яшькә кадәрге укучылар арасында «Яшь профессионаллар» Региональ чемпионатының муниципаль этабы узды. Ул 16 мәйданчыкта 40 компетенция буенча үткәрелде.

16.05.2023
499
Сәясәт
Шәһәр Советы депутатлары педагогик кадрлар әзерләү буенча фикер алышты

Яр Чаллы дәүләт педагогия университетында мәгариф, мәдәният, милли мәсьәләләр, яшьләр эшләре һәм спорт буенча даими комиссия чираттагы утырышын уздырды. Көн тәртибендә педагогик кадрлар, шул исәптән полилингваль мохиттә эшләү өчен кадрлар әзерләү буенча актуаль мәсьәлә булды. Университет ректоры, Шәһәр Советы депутаты Әлфинур Галиакберова хезмәттәшләре өчен универсаль педагогик компетенцияләр технопаркы буенча экскурсия үткәрде. Депутатлар югары уку йорты студентлары - технопарк лабораторияләре базасында укытучылар җитәкчелегендә булачак укытучылар гамәлгә ашыра торган проектлар белән таныштылар. Дупутатларга яңа предмет кабинетлары, шулай ук Д. И. Менделеев исемендәге Кванториум тәкъдим ителде. «Хәрби форма тарихы»күргәзмәсе буенча мини-экскурсия үткәрелде. Бу проектны тарих-география факультеты студентлары башлап җибәрә һәм Росмолодеждан үсешкә грант ярдәме ала.

16.05.2023
415
Мәгариф
19 май - балалар һәм яшьләр иҗтимагый оешмалары көне

19 майда Яр Чаллы шәһәрендә балалар һәм яшьләр иҗтимагый оешмалары көнен бәйрәм итү булачак. Чаралар шәһәрнең төрле мәйданчыкларында узачак һәм иҗтимагый хәрәкәтнең бөтен активын, шулай ук иҗтимагый берләшмәләр җитәкчеләрен, активистларның ата-аналарын бергә җыячак. 15:00 сәгатьтә шәһәрнең өч мәйданчыгында "Биюче Чаллы" бию марафоны узачак. 16:00 сәгатьтә Шәһәр балалар һәм яшьләр сарае мәйданында Чаллы шәһәренең Пионер хәрәкәте ветераннары катнашында «Буыннар очрашуы» һәм «Дуслык учагы» бәйрәм чарас ы оештырылачак.

16.05.2023
319
Мәгариф
"Балкыш" балалар бакчасы Россия экоактивистларын берләштерде

Чаллы шәһәре уникенче Бөтенроссия экологик идеяләр фестивален кабул итте. 95нче «Балкыш» балалар бакчасында Экомәктәп / Яшел флаг халыкара программасының Чаллы катнашучылары һәм Санкт-Петербург, Әлмәт, Менделеевск, Түбән Кама, Зәй, Тукай муниципаль районнарыннан кунаклар җыелды.

16.05.2023
210