Граждан һәм муниципаль хезмәт вакансияләренең бердәм базасы
Вакансияләрне карарга →
Яр Чаллыда 14 майда аязучан болытлы һава көтелә, урыны белән кыска вакытлы яңгыр. Яшен булуы ихтимал. Җил көнбатыштан, көньяк-көнбатыштан төнлә 6-11 м/с, көндез һәм кич белән 9-14 м/с, урыны белән 15-20 м/с, 23 м/с кадәр тизлектә.
Комсомол районында совет гаскәрләрен Әфганстаннан чыгаруга 34 ел тулу уңаеннан сугышчы-интернационалистларга куелган стелага чәчәкләр салдылар.
Бөек Ватан сугышы ветеранын 90 яшьлек юбилее белән котладылар. Рәйхамә Мингәрәй кызы Гаффаровага Россия Президенты Владимир Путин һәм Яр Чаллы мэры Наил Мәһдиев исеменнән бүләкләр һәм котлаулар тапшырылды.
Бүген яңа мәктәпнең төзелеш мәйданчыгында булганда шәһәрнең баш архитекторы Мәликә Шәмсиева велосипедлар һәм самокатлар өчен махсус парковка проектын тәкъдим итте. Шәһәр мэры Наил Мәһдиев нинди самокатлар турында сүз барганын ачыклады.
Бүген шәһәр мэры Наил Мәһдиев 69 комплекста булды, анда шәһәрдәге иң зур, 1501 урынга исәпләнгән, мәктәп төзелә. 2 млрд. сумнан артык бәялек объектны төзү белән Илнар Гайсин җитәкчелегендәге «Евростиль» компаниясе шөгыльләнә. Бу инде Яр Чаллы шәһәрендә аның компаниясе төзи торган җиденче мәктәп.
Яр Чаллыда эшче яшьләр арасында автомобиль ярышлары узачак. Ярышлар 14 майда ДОСААФ автомобиль мәйданчыгында узачак. Башланачак 10:00 сәгатьтә.
Идел буе Болгар дәүләтендә ислам динен кабул итүгә 1100 ел тулу елында Россия Пенсионерлар берлегенең Яр Чаллы бүлекчәсе активистлары Изге Болгар шәһәренә экскурсия белән барып кайттылар.
Бүген Яр Чаллы шәһәрендә мәктәпкәчә яшьтәге балалар арасында татар теле һәм татар мәдәнияте бәйрәме – «Татар малае – 2022», «Татар кызы – 2022» бәйгесенең финалы узды. Конкурста шәһәрнең 131 балалар бакчасыннан 121 бала катнашты. Финалда 5 кыз һәм 5 малай көч сынашты. Компетентлы жюри татар телен белү, үз-үзеңне һәм гаиләңне күрсәтү, балаларның иҗади сәләтләрен бәяләде.
Җомга көнне Яр Чаллыда аязучан болытлы һава көтелә, урыны белән яңгыр, яшен, төнлә һәм иртән томан. Җил көньяк-көнчыгыштан секундына 6-11 метр тизлектә, урыны белән көчәйгәндә секундына 15-17 метр, көндез секундына 15-20 метр тизлектә.
Яр Чаллыда өченче ел «Безнең ишегалды» республика программасы тормышка ашырыла. Исегезгә төшерәбез, узган ике ел эчендә Яр Чаллыда 219 ишегалды төзекләндерелде. Быел программага 119 ишегалды керде, 38ендә эшләр башланды инде. Программа кысаларында тротуарлар, керү юллары ремонтлана, заманча уен мәйданчыклары, эскәмияләр, урналар урнаштырыла. Урам яктырткычларын заманча энергия саклый торган җайланмаларга алыштыралар. Өстәмә машина урыннары булдыруга зур игътибар бирелә.
Физик затлар белән беррәттән хәзер эшмәкәрлек оешмалары һәм шәхси эшмәкәрләр бердәм салым түләве ярдәмендә бюджет белән исәп-хисап ясаганда барлык өстенлекләреннән дә файдалана алалар. «Россия Федерациясе Салым кодексының беренче һәм икенче өлешләренә үзгәрешләр кертү турында» федераль закон проекты белән бердәм салым счеты институты кертү тәкъдим ителә.
Башкарма комитет җитәкчесе Фәрид Салахов традицион матбугат конференциясе барышында шәһәр җитәкчелегенең электр самокатлары буенча карашларын шәрехләде.
Башкарма комитет җитәкчесе Фәрид Салахов матбугат конференциясе барышында 30 апрельдә тәмамланган 2021-2022 елларда җылылык бирү сезоны нәтиҗәләре турында сөйләде. Гадәттәгечә, җәйге вакытта опрессовка үткәрү планлаштырылган. Эшләр алты этапта башкарылачак: аларның дүртесе – шәһәрнең яңа өлешендә, икесе – иске өлешендә.
Яр Чаллының Шәһәр Советында «Мәрхәмәт-Милосердие» хатын-кыз депутатлар берләшмәсе утырышында «Меланома СТОП» тире яман шешләренә каршы профилактика һәм көрәшүгә юнәлдерелгән медик-социаль проектны тормышка ашыру турында фикер алыштылар. Очрашуга шулай ук идарә башлыклары һәм район хакимиятләре вәкилләре дә чакырылган иде.
Россия Федерациясе Хөкүмәтенең 2022 елның 5 маендагы 814 номерлы карары белән коммуналь калдыкларны эшкәртү һәм утильләштерү проектларын гамәлгә ашыручы инвестицион компанияләр банк кредитлары буенча ташламалы процент ставкасына исәп тота алалар.
12 майда Бөтендөнья шәфкать туташы көне билгеләп үтелә. Һөнәри бәйрәмнәре уңаеннан, Яр Чаллының 7 нче поликлиникасының өлкән шәфкать туташлары «Ак йөрәк» дигән исем астында бәйрәм флешмобын үткәрделәр.
Картиналар галереясенең кече залында педагог-рәссам Тәслия Мәҗитованың юбилеена багышланган «Уголок моей души» исемле шәхси күргәзмәсе ачылды.
Яр Чаллыда ир-атлар һәм хатын-кызлар командалары арасында Бөек Ватан сугышында Җиңүнең 77 еллыгына багышланган «Җиңү Кубогы-2022» волейбол турниры тәмамланды.
12 майда «Радость воспитания. Современные подходы к воспитанию: опыт, технологии, перспективы» дип исемләнгән темага төбәк педагогик укулар узачак.
Яр Чаллыда пәнҗешәмбе, 12 майда, аязучан болытлы һава көтелә. Төнлә бераз яңгыр явуы ихтимал. Иртән һәм көндез яңгыр, урыны белән яшен. Җил көньяк-көнчыгыштан, төньяк-көнчыгыштан 6-11 м/с, көчәйгәндә 14 м/с, иртән һәм көндез 15-20 м/с тизлектә.
