Граждан һәм муниципаль хезмәт вакансияләренең бердәм базасы
Вакансияләрне карарга →
Шәһәр Советының шәһәр төзелеше, шәһәр инфраструктурасын һәм торак-коммуналь хуҗалыкны үстерү мәсьәләләре буенча даими комиссиясе әгъзалары 2020 елда төзелеш тармагы эшенә йомгак ясадылар.
Социаль челтәрләрдә, Пенсия фонды мәгълүматыннан файдаланып, керемгә салымны (НДФЛ) ничек кире кайтарырга мөмкин икәнлеге турында инструкция белән видеоролик таратылды. "Дәүләт хезмәтләре" порталында шәхси счетның торышы турында Пенсия фонды өземтәсен формалаштырырга һәм әлеге сумманы социаль тотып калынган акчаны алу өчен салым декларациясенә кертергә тәкъдим ителә. Пенсия фондында иминләштерелгән затның шәхси счетының торышы турында язма буенча социаль салым тотып калынуын алу РФ Салым кодексы нигезләмәләренә туры килми. Анда күрсәтелгән сумма исәпкә алуга дәгъва итүче гражданның өстәмә взнослары булып тормый.
Яр Чаллыда хокук саклау структуралары һәм шәһәр Башкарма комитеты вәкилләре катнашында регламент, хокук тәртибе һәм халыкның иминлеген тәэмин итү мәсьәләләре буенча Шәһәр Советының даими комиссиясе утырышы булды.
"Энергетик" мәдәният сараенда ана капиталы сертификатын тапшыру тантанасы узды. Бу көнне Яр Чаллының 18 гаиләсе сертификат алды. Гаиләне ЗАГС идарәсе башлыгы Равилә Зарипова һәм Пенсия фонды идарәсе башлыгы урынбасары Татьяна Мульканова котладылар.
РФ Президенты Владимир Путин, шәһәр мэры Наил Мәһдиев, Үзәк районы администрациясе башлыгы Искәндәр Галимов исеменнән Бөек Ватан сугышы ветераны Әнәс Сәлах улы Сәлаховны 95 яшьлек юбилее белән котладылар. Котлауларга Шәһәр Советы депутаты Рөстәм Гайнуллов, шулай ук ТИҮ рәисе Людмила Багрецова да кушылды.
4 февральдә Чаллыда болытлы һава көтелә. Төнлә бераз кар. Көндез кар, юеш кар рәвеәендә явым-төшем көтелә. Аерым районнарда буран, төнлә һәм иртән томан, көндез бозлавык.
Пенсия фонды сайтының шәхси кабинетында www.pfr.gov.ru электрон сервис эшли, аның ярдәмендә социаль хезмәтләр җыелмасын (НСУ) раслаучы белешмә алырга мөмкин. Бу натураль формада социаль хезмәтләр җыелмасын тулысынча яки өлешчә алуны сайлаган федераль льготниклар арасыннан булган гражданнар өчен актуаль.
Анна Федоровна – Бөек Ватан сугышы ветераны, тыл хезмәтчәне. Пермь краеның Кылосово авылында күп балалы крестьян гаиләсендә туа. 1938 елда беренче сыйныфка укырга керә, җиде сыйныф тәмамлый. Сугыш вакытында колхоз хуҗалыгында эшли, төрле эш башкара. Сугыштан соң суд участогы секретаре булып эшкә урнаша.
1 февральдә президент грантлары Фонды Россия Федерациясе президенты грантларын гражданнар җәмгыятен үстерүгә бирү өчен коммерцияле булмаган оешмалар арасында узучы #ВторойКонкурс2021 конкурсына гаризалар кабул итә башлады.
Яр Чаллы шәһәрендә Дәүләт статистикасы бүлеге хәбәр итә, 2021 елның 4 февраленнән ncelny@tаtstat.ru электрон адресына хатлар кабул итү ябылачак. Яңа электрон адрес: p16_nchelny@gks.ru.
Яр Чаллыда Сталинград сугышында катнашучыларны котладылар. Билгеләп үтик, 2 февраль — Сталинград сугышында совет гаскәрләренең немец-фашист гаскәрләрен тар-мар итү көне. Бу истәлекле дата уңаеннан 1926 елда туган, Сталинград сугышында катнашкан Мария Леонтьевна Залоганы Яр Чаллы шәһәре муниципаль берәмлеге башлыгы урынбасары Ирина Сәгыйдуллина һәм Автозавод районы администрациясе башлыгы Винер Харисов карадылар. Ветеранга батырлык, рухи көч һәм патриотизм өчен рәхмәт белдерделәр, нык сәламәтлек теләделәр һәм истәлекле бүләк тапшырдылар.
2 февральдә Татарстан Республикасы гомуми белем бирү оешмаларында укучыларны кайнар аш белән тәэмин итүне оештыру мәсьәләсе буенча «Хатын-кыз игътибары» кайнар линиясе узачак.
Яр Чаллыда быел барлыкка киләчәк яңа балалар бакчалары «Электрон балалар бакчасы» автоматлаштырылган мәгълүмат системасына кертелде. Бу хакта Мәгариф һәм яшьләр белән эшләү идарәсе башлыгы Рөстәм Хуҗин атна саен үткәрелә торган матбугат конференциясендә хәбәр итте: « Бу балалар бакчалары әле төзелә генә, әмма аларга чират ачык инде».
Бөек Ватан сугышы ветераннары Фәимә Шәйморатова, Нинель Ильинична Лакомкина һәм Василий Филиппович Москвичев 90 яшьлек юбилеен билгеләп үтә. Юбилярларга Россия президенты Владимир Путин һәм Чаллы мэры Наил Мәһдиев исеменнән котлау һәм бүләкләрне тапшырдылар. Комсомол районы башлыгы урынбасары вазыйфаларын башкаручы Алсу Хамматова, ТИҮ рәисләре Галина Мамонтова һәм Әлфия Гыйззәтуллина.
Яр Чаллыда яшь гаиләләр өчен дәресләр сериясе старт ала. Беренче дәрес 6 февраль көнне 11:00 сәгатьтә «Орион» яшьләр үзәгендә, алдагысы 10 февраль көнне 17:30 сәгатьтә ЗАГС идарәсендә узачак. Дәресләрне «Орион» яшьләр үзәге белгече, психолог, 20 елдан артык стажлы трансформацион тренер Елена Гагинская үткәрәчәк.
Татарстан Республикасы территориясендә 2 февральдә төнлә һәм көндез урыны белән юеш кар, буран, юлларда көчле бозлавык һәм кар көртләре көтелә. Көндез-секундына 15-20 метр тизлектә көчле җил. Яр Чаллыда юеш кар, көндез яңгыр явачак. Җил көньяк-көнбатыштан төньяк-көнбатышка таба секундына 8-13 метр тизлектә, көндез урыны белән 15-20 метрга кадәр.
Татарстан Республикасы Хәрби комиссариаты чаллылыларга контракт буенча хәрби хезмәт шартлары турында аңлата. Контракт буенча Россия Федерациясе Кораллы Көчләре сафларында хезмәт итү - тулы социаль тәэмин ителеш, лаеклы хезмәт хакы, РФ Кораллы Көчләре сафларында карьера үсеше һәм иртә пенсиягә чыгу мөмкинлеге.
Пенсия фонды идарәсе хәбәр иткәнчә, 1 февральдән социаль түләүләр арта. Көтелгән 3,7% урынына алар 4,9 %ка индексацияләнгән. Сүз инвалидларның, сугыш хәрәкәтләре ветераннарының, радиациягә дучар булган кешеләрнең, Советлар Союзы һәм Россия геройларының, Социалистик Хезмәт Геройларының һәм кайбер башка гражданнар категорияләренең айлык акчалата түләүләрен арттыру турында бара. Хәзерге вакытта Чаллыда социаль түләүләрне 37 меңнән артык кеше ала.
Яшьләр белән эшләү нәтиҗәлелеге буенча Яр Чаллы Татарстанда икенче урынны алды. Рейтингны Татарстан Республикасы Яшьләр эшләре буенча министрлыгының йомгаклау коллегиясе барышында җиткерделәр. Беренче урында – Казан, өченчедә – Түбән Кама. Алардан соң Әлмәт, Чүпрәле, Чистай, Минзәлә, Биектау, Яшел Үзән һәм Баулы районнары бара. ТР Яшьләр эшләре буенча министры Дамир Фәттахов сүзләренә караганда, рейтингта яшьләр эшләре буенча мөстәкыйль органнар эшли торган районнар алдынгы урыннарны били. Бу муниципалитетлар, грантлар конкурслары аша башкалардан күбрәк акча җәлеп итә алды. Ул Рөстәм Миңнеханов тәкъдименә колак салган һәм 2019-2020 елларда бүлекләр төзегән муниципалитетлар җитәкчеләренә рәхмәт белдерде. Бу – Түбән Кама, Яр Чаллы, Яшел Үзән, Питрәч, Актаныш, Алабуга.
"2020 ел ЗАГС идарәсе өчен киеренке эшләрнең темпы һәм күләме, шартлары буенча иң авыры булды, ил җитәкчелеге куйган бурычларны хәл итәргә туры килде", - дип билгеләп үтте иртәнге киңәшмәдә Чаллы ЗАГС идарәсе башлыгы Равилә Зарипова.
