Хәзер 03:24
,
11.4 °C
Хәзер 03:24
,
11.4 °C
Граждан һәм муниципаль хезмәт вакансияләренең бердәм базасы
Вакансияләрне карарга →
Мэр города встретился с участниками Великой Отечественной войны, тружениками тыла и участниками СВО с предстоящим Днем Победы.
Татарстан Республикасында 2026 елның апреленә 1 473 кеше Чернобыль АЭСында булган һәлакәтне бетерүдә катнашучылар, әлеге һәлакәт нәтиҗәсендә инвалидлык алган гражданнар өчен билгеләнгән социаль ярдәм чараларыннан файдалана. Яр Чаллыда әлеге категория гражданнарның 239ы яши. Әлеге чаралар Россия Социаль фондының Татарстан Республикасы бүлеге тарафыннан бирелә торган компенсацияләрнең һәм акчалата түләүләрнең киң спектрын үз эченә ала.
"Ак халатлы сугыш балалары": Чаллы проекты Россиядә иң яхшыларның берсе дип танылды. Бүләкне сәламәтлек саклау идарәсе матбугат сәркатибе Екатерина Остапенко һәм фотограф Дмитрий Андреев алды.
5 нче шәһәр хастаханәсенең өлкән шәфкать туташы Илзирә Ибраһимова илнең Сәламәтлек саклау хезмәткәрләре профсоюзының II Бөтенроссия патриотик җыр фестиваленең гала-концертында Татарстанны тәкъдим итте.
2026 ел башыннан Россия Социаль фондының Татарстан Республикасы буенча бүлеге бала табу сертификатлары буенча хезмәт күрсәтүләр өчен түләүгә 74,7 млн сум акча җибәргән. Беренче елда йөклелек, бала табу һәм балалар артыннан профилактик күзәтү чорында 6 меңнән артык хатын-кызга финанс ярдәме күрсәтелгән.
Статистика һәм эпидемиологик анализ мәгълүматлары ышандырырлык рәвештә раслый: идарә ителә торган һава-тамчы йогышлы авырулары белән күбесенчә прививка ясатмаган гражданнар авырый, шул ук вакытта аларда авырулар шактый авыррак, өзлегүләр белән һәм еш кына сәламәтлек өчен җитди нәтиҗәләр белән уза.
Ашыгыч медицина ярдәме хастаханәсенә аневризма шартлау нәтиҗәсендә баш миенә массив кан саву белән 41 яшьлек пациентка ашыгыч рәвештә китерелде. Белгечләрнең мультидисциплинар бригадасының оператив гамәлләре нәтиҗәсендә хатын-кызның гомере саклап калынды, ә авыр неврологик нәтиҗәләр булдырмаслык итеп кисәтелде.
Сәламәтлек саклау идарәсе башлыгы Рөстәм Ногманов шәһәрнең сәламәтлек саклау системасы үсешнең тотрыклы күрсәткечләрен күрсәтүен билгеләп үтте. 2025 елда шәһәр халкы өчен медицина ярдәме уңайлырак булды, махсус хәрби операция катнашучыларын һәм аларның гаиләләрен хуплауга аерым игътибар бирелә. Ветераннар госпитале – Яр Чаллыда һәм Кама аръягында махсус хәрби операция катнашучыларын һәм аларның гаилә әгъзаларын дәвалау һәм реабилитацияләү өчен җаваплы төп учреждение: 2025 елда 3 167 кеше ярдәм алган, амбулатор ярдәм – 2 613 кешегә күрсәтелгән. Шәһәрдә 15 мең кешегә (шуларның 709ы – махсус хәрби операция катнашучылары һәм гаиләләре) ярдәм иткән 17 медицина-психологик консультацияләү кабинеты эшли. Шәһәр медицина хезмәткәрләре 2,7 млн сумлык гуманитар ярдәм юллаган.
«Без бик авыр кыйналу нәтиҗәләре белән очраштык: йөзнең урта өлеше тулысынча диярлек җимерелгән һәм хәрәкәтчән хәлдә, уң күз өске казналык куышлыгына кереп баткан, авыз һәм ияк өлешләре җәрәхәтләнгән, шеш арта барган, маңгай сөяге сынган, теш-казналык системасы зыян күргән – өске казналык авыз куышлыгына таба кысылып кергән, яңак сөякләре һәм борын сынган. Бу йөз скелетының күпсанлы вак-вак ватыклы сынулары булуын күрсәтте», – дип сөйләде хирург.
"Россия Пенсионерлар берлеге" гомумроссия иҗтимагый оешмасының Яр Чаллыдагы җирле бүлеге 2023 елдан башлап «Сәламәтлек җиңел адым белән» проектын актив гамәлгә ашыра — җирле бүлекчә Советы рәисе Руслан Шәңгәрәев җитәкчелегендә өлкән буын шәһәр халкы өчен даими рәвештә скандинавия йөреше белән шөгыльләнә.
Шәһәр Башкарма комитеты җитәкчесе Фәрид Салахов гомерләре хезмәт, түземлек һәм Ватанга чиксез мәхәббәт үрнәге булган ике ханымга югары бүләкләр тапшырды. Медальләр тапшыру тантанасында Комсомол районы хакимияте башлыгы Ленар Әхмәтҗанов та катнашты.
Яр Чаллыда яшәүче, Бөек Ватан сугышы ветераны, тыл хезмәчәне Лируза Гаяз кызы Байкиева 95 яшен билгеләп үтте. Юбилей көнендә Лируза Гаяз кызына Россия Федерациясе Президенты Владимир Путин һәм шәһәр мэры Наил Мәһдиев исеменнән котлауларар җибәрелде. Автозавод районы хакимияте башлыгы урынбасары Елена Әлмөхәммәтова юбилярны шәхсән котлады.
2025 елның 1 сентябреннән көндезге бүлектә укучы студентлар өчен йөклелек һәм бала табу буенча пособие билгеләүнең яңа федераль тәртибе үз көченә керде. Узган елда 100 студент әлеге пособиене ала алган инде. 2026 ел башыннан пособие билгеләү турында 20 карар кабул ителде, 41 гариза карау стадиясендә. Студентлардан мөрәҗәгатьләр кабул итү һәм эшкәртү эшчәнлеге дәвам итә.
26 февральдә 10 сәгатьтән 14 сәгатькә кадәр Татарстан Дәүләт Советының хатын-кыз депутатлар берләшмәсе «Мәрхәмәт – Милосердие» тарафыннан Татарстан Республикасында Кеше хокуклары буенча вәкаләтле вәкил Сәрия Сабурская белән берлектә оештырылган Татарстанда хәрбиләрнең хокукларын яклау һәм аларга ярдәм итү мәсьәләләре буенча кайнар линия узачак. Кайнар линия телефоннары: 8 (843) 236-00-71, +7 (960) 049-68-14 (Мах).
Шәһәрнең балалар һәм яшьләр иҗат сараенда «Яр Чаллы шәһәре клиентлар хезмәтенең 2025 елдагы эшчәнлегенә йомгаклар һәм 2026 елга бурычлар» темасына хисап утырышы узды. Чарада Яр Чаллы шәһәре муниципаль берәмлеге Башлыгы урынбасары Ирина Сәгыйдуллина , Россия Социаль фондының Татарстан Республикасы буенча бүлегенең бюджет бүлеге башлыгы Руслан Хафизов , шулай ук төрле ведомстволар, учреждениеләр җитәкчеләре һәм клиентлар хезмәте белгечләре катнашты.
Р.С. Акчурин исемендәге Ашыгыч медицина ярдәме хастаханәсендә бүген узган ел өчен эш нәтиҗәләренә багышланган йомгаклау медицина советы узды. Хастаханәнең төп эш күрсәткечләрен баш табиб вазифаларын вакытлыча башкаручы Роман Джумабаев тәкъдим итте.
Ул Алмазия һәм Ришат Бәдриевларның дүртенче баласы. Бүген Кама балалар медицина үзәгендә сабый белән аның әнисен тантаналы төстә өйләрнә озаттылар. Бәдриевларның шатлыгын уртаклашырга әти-әниләре, туганнары, дуслары гына түгел, ә Чаллы хакиме Наил Мәһдиев тә килде.
Россия Социаль фондының Татарстан Республикасы бүлеге яңа туган балалар өчен шәхси лицевой счетларның иминият номерларын (СНИЛС) проактив режимда рәсмиләштерүне дәвам итә. СНИЛС рәсмиләштерү өчен ата-аналарга гариза белән мөрәҗәгать итәргә кирәкми.
2026 елның 1 гыйнварына төбәктә балалары булган 113 меңнән артык гаилә бала туу һәм тәрбияләү белән бәйле бердәм пособие алды.
Татарстан Республикасы инвалидлыгы булган балаларны комплекслы реабилитацияләү буенча Россия Социаль фондының масштаблы сынау проектында катнаша.
