Граждан һәм муниципаль хезмәт вакансияләренең бердәм базасы
Вакансияләрне карарга →
Яр Чаллыда Шәһәр Советының даими комиссияләре утырышы узды, аның барышында бюджетның өстәмә керемнәрен бүлү расланды.
Бу атнадан балалар бакчалары, мәктәпләр, гимназияләр, өстәмә белем бирү учреждениеләренең яңа уку елына әзерлекләре тикшерелә.
Быел Татарстанда яңа мәктәпкәчә белем бирү учреждениеләре булдыру хисабына балалар бакчаларында 3100 өстәмә урын барлыкка киләчәк. Бу хакта ТР Мәгариф һәм фән министрлыгы каршындагы иҗтимагый совет утырышында министрлыкның максатларын һәм бурычларын халык алдында формалаштыру проектын гамәлгә ашыру нәтиҗәләре турында ведомствоның мәктәпкәчә белем бирү бүлеге башлыгы Эльвира Измайлова хәбәр итте.
Чулман проспектында 1 224 урынга исәпләнгән "Адымнар - Чаллы" гимназиясе 97%ка әзер. Хәзер территорияне төзекләндерү, мебель һәм җиһазлар белән тәэмин итү эшләре бара. Мәктәпнең эшли башлануына бер ай вакыт калып бара.
Яр Чаллыда мәктәпләрдә һәм балалар бакчаларында куркынычсызлык системасын көчәйтергә планлаштыралар. Бу хакта даими комиссия утырышында шәһәр мэры Наил Мәһдиев хәбәр итте. Ул билгеләп үткәнчә, бу максатларга акча шәһәр бюджетының өстәмә керемнәреннән бүленеп биреләчәк. « Росгвардия, Эчке эшләр министрлыгы, прокуратура күрсәткән барлык таләпләр буенча техник ныгыту 600 млн сум тора. Узган ел нәтиҗәләре буенча шәһәр бюджетында өстәмә керемнәр бар, һәм без аларны балалар иминлегенә юнәлтәчәкбез дигән карар кабул иттек. Аңлашыла ки, һәр мәктәп һәм балалар бакчасыннан ныгытма ясап булмый, әмма аларны теләсә нинди кеше керә алмаслык итеп ясауга омтылу – безнең бурыч ».
Яшьләрне эш белән тәэмин итүне «Яр Чаллы студентлар хезмәт отрядлары үзәге» тәэмин итә. Алар шәһәр оешмалары һәм предприятиеләре белән кадрларга булган ихтыяҗларны ачыклау буенча эш алып бара. Вакансияләр турында мәгълүмат көн саен Вконтакте социаль челтәренең "Работа для молодежи" төркемендә урнаштырыла.
Чаллылыларның төрле конкурсларда яулаган грантлары турында матбугат конференциясендә яшьләр белән эшләү идарәсе башлыгы Айзат Мәхмүтов сөйләде.
Җәйнең икенче ае дәвам итә, һәм, кызганычка каршы, күп кенә ата-аналар ачык тәрәзәнең бала өчен үлем куркынычы белән янавын оныталар. Тәрәзәдән егылу балалар травматизмының һәм үлеменең төп сәбәпләреннән берсе булып тора, бигрәк тә шәһәрләрдә. Ел саен биеклектән егылудан бик күп балаларның гомерләре өзелә.
Яңа уку елына Чаллыда тагын ике мәктәптә универсаль спорт мәйданчыклары барлыкка киләчәк. Пушкин исемендәге 78 нче пролицей һәм 43 нче урта мәктәп территориясендә урнаштырылачак. Мәйданчыкларның әзерлеге - 95%.
Чаллы шәһәренең дүрт мәктәбендә урта гомуми белем бирү һәм коррекцион мәктәпләрне капиталь ремонтлау республика программасы буенча капиталь ремонт дәвам итә. Болар-68 һәм 46 нчы мәктәпләр, 89 нчы башлангыч мәктәп–балалар бакчасы, 86 нчы «Өмет» мәктәп-интернаты.
23 июль, җомга, 15:00 сәгатьтә инвалид балаларның ата-аналары (законлы вәкилләре) өчен видеоэлемтә режимында дәрес узачак. Татарстан Республикасы Мәдәният министрлыгы вәкиле «Инвалид балалар һәм 18 яшьтән өлкәнрәк тумыштан инвалидлар өчен мәдәни-ял чаралары» темасына дәрес үткәрәчәк.
Июнь аенда Чаллыда җәйге каникуллар вакытында 1120 бала эшкә урнаштырылган, июль аенда - 996 бала. Август аена план буенча 600 урын резервланган инде.
Россия Федерациясе Дәүләт Думасы депутаты, Икътисадый сәясәт, сәнәгать, инновацион үсеш һәм эшкуарлык комитеты рәисе урынбасары Әлфия Когогина төбәк атнасы барышында Татарстан Республикасында «Саулык» сәламәтләндерү комплексында булып, балаларның ялын һәм сәламәтләндерүне оештыру шартлары белән танышты.
«Алтын каләм – Золотое перо» XXVI Республика балалар, яшүсмерләр һәм яшьләр матбугаты фестиваленең заявка кампаниясе 15 июльдә төгәлләнәчәк. Исегезгә төшерәбез, сайлап алу ике этапта бара: беренчесе – портфолио әзерләргә һәм гариза тутырырга кирәк. Икенчесе – кушымтада биремне үтәү (шартлар ВКонтакте рәсми төркемендә урнаштырылачак). Йомгаклау исемлекләре 2021 елның 17 июленнән 20 июленә кадәр расланачак һәм басылып чыгачак.
Бушлай конкурсның командалар өчен приз фонды 13 000 000 сум тәшкил итәчәк!
РФ Мәгариф министрлыгы, РФ Фән һәм югары белем министрлыгы һәм Яшьләр эшләре буенча Федераль агентлык ярдәме белән үткәрелә торган «Озын тәнәфес» Бөтенроссия конкурсында Чаллыдан 14 яшьлек Мәликә Бәдретдинова җиңү яулады. Конкурс «Мәгариф» милли проекты кысаларында тормышка ашырыла.
Бүген шәһәр мэры Наил Мәһдиев югары нәтиҗәләргә ирешкән һәм Бердәм дәүләт имтиханын тапшырганда 100 балл җыйган Чаллы укучылары белән очрашты. Укучылар белән бергә очрашуга укытучылар, белем бирү учреждениеләре җитәкчеләре һәм мәктәп укучыларының әти-әниләре дә чакырылган иде.
Чаллы Drone Team #Гренада проекты Бөтенроссия яшьләр проектлары конкурсында грант отты. Спорт юнәлешендәге проект Гренада паркындагы мәйданчыкта «Дроннарда узыш»ны үстерүгә каралган һәм 2022 елның октябреннән июленә кадәр гамәлгә ашырылачак.
Быел Яр Чаллыда мәктәпне 5082 тугызынчы сыйныф укучысы һәм 2003 унберенче сыйныф укучысы тәмамлаган. Мәктәп укучыларының уку нәтиҗәләренең гомуми күрсәткече – республика буенча иң югарылардан. Башкарма комитет җитәкчесе урынбасары Рамил Хәлимов аппарат киңәшмәсендә хәбәр иткәнчә, 249 тугызынчы сыйныф укучысы 5ле билгеләре генә булган аттестат алган. Мәҗбүри фәннәр буенча уртача билге (рус теле һәм математика) –“ 4” һәм аннан югары-тугыз мәктәптә (2, 26, 36, 57, 61, 76, 77, 78, 79).
Яңа түләүне үзе рәсмиләштерергә һәм кулланучыга хәбәр җибәрергә мөмкинлек бирүче яңа механизмны тестлау иртәгә үк башланачак.
