Керемнәрнең төп өлешен, бу 76%, яңартыла торган керемнәр тәшкил итә: җир участокларын һәм мөлкәтне арендага бирүдән кергән керемнәр, реклама конструкцияләрен һәм стационар булмаган сәүдә объектларын урнаштыру хокукы өчен түләүләр, муниципаль унитар предприятиеләрнең саф табышының бер өлешен күчерү, икеләтә билгеләнештәге терәкләр.
Җир һәм мөлкәт мөнәсәбәтләре идарәсе җитәкчесе Ленар Гыйзәтуллин шәһәр мэры катнашындагы аппарат киңәшмәсендә хәбәр иткәнчә, 2022 елда хуҗасыз коммуналь инфраструктура челтәрләренә муниципаль милек хокукын теркәү буенча зур эш башланды. Нәтиҗәдә, хокукларны теркәү органында 200 коммуналь инфраструктура объекты хуҗасыз дип исәпкә куелды. Гамәлдәге законнар нигезендә, 2023 елның 2 нче кварталында махсус оешмага эксплуатациягә тапшыру өчен муниципаль милек хокукын дәүләт теркәве гамәлгә ашырылачак.
Татарстан Республикасы Росреестр идарәсе тарафыннан милли киңлек мәгълүматлары системасын булдыру проектын гамәлгә ашыру буенча пилот проекты булып тора. Татарстан Республикасы Рәисе күрсәтмәсе нигезендә, Росреестрның «Күчемсез милекнең бердәм дәүләт реестрын кирәкле мәгълүматлар белән тутыру» проектын гамәлгә ашыру чаралары кысаларында 2022-2024 елларга Башкарма комитет тарафыннан 63 312 күчемсез милек объектына инвентаризация үткәрелә, шуларның 6474е – җир участогы, 16 494е – капитал төзелеш объекты һәм 40 344е – бина-корылмалар.
Хокукларны теркәүдә беренче чиратта гражданнар үзләре мәнфәгатьле, чөнки объектларның хокукый статусы белән бәйле теләсә нинди үзгәрешләр булганда хокукларны теркәү таләп ителә. Башкарма комитет тарафыннан үткәрелгән чаралар нәтиҗәләре буенча күчемсез милек объектына хокук иясе ачыкланмаган очракта, Россия Федерациясе Гражданлык кодексының 225 нче маддәсе нигезендә, объект хуҗасыз дип танылачак, аннары хокуклар Муниципаль берәмлеккә теркәләчәк.
2022 елда 18 394 объект эшкәртелгән, шул исәптән 3035 җир участогы, 5153 капитал төзелеш объекты, 10 206 бина-корылма.