Бүген Комсомол районы администрациясе "Татаркино" белән берлектә ГЭС бистәсенең Мәдәният һәм ял паркында мультфильм күрсәтүне оештырды. Тамашачылар "Коты Эрмитажа" мультфильмын карадылар. Күңелле сюжетлар бер генә тамашачыны да битараф калдырмады. Чарада Комсомол районы администрациясе башлыгы Ленар Әхмәтҗанов катнашты. Ул билгеләп үткәнчә, ачык һавада фильмнар күрсәтү район халкы арасында бик популяр һәм кирәкле.