Бүләкләрне Чаллыда яшәүче җиде кеше алды.
«Капиталь төзелеш идарәсе» ҖЧҖ генераль директоры Альберт Петров – «Дуслык» ордены, биш бала анасы Алинә Новикова – «Ана даны- Материнская слава» медале, «КАМАЗ» ГАҖ баш диспетчеры Рөстәм Әгълиуллин «Татарстанның атказанган машина төзүчесе», 3нче музыка мәктәбе директоры Наталья Шумилова «Татарстанның атказанган мәдәният хезмәткәре», «Ремдизель»нең машина йөртүчесе Сергей Циренов «Татарстанның атказанган транспортчысы» дигән мактаулы исем белән бүләкләнде.
2 нче теш дәвалау хастаханәсе баш табиб урынбасары Рамил Сабуров белән Чаллыдагы Әфган сугышы ветераннары һәм инвалидлары оешмасы җитәкчесе Эдуард Фоминыхка Татарстан Республикасы Рәисенең Рәхмәт хаты тапшырылды.