Шәһәр хакиме Наил Мәһдиев «Мәдәният һәм ял паркы» муниципаль предприятиесендә ремонт эшләре барышы һәм махсус техникага хезмәт күрсәтү белән танышты.
Ул чәчәкләр үстерүчеләр белән очрашты. Җитештерү һәм продукция сату бүлеге башлыгы Елена Чемерчева белән сөйләште.
«Быел шәһәрне бер миллионнан артык төрле чәчәк бизәячәк. Шулай ук безне һәм шәһәребез кунакларын чәчәкләр утыртылган 4300дән артык кашпо сөендерәчәк. Коллективка хезмәтләре өчен рәхмәт», – диде ул.