Шәһәр хакиме Наил Мәһдиев әйтүенчә, РФ Президенты Владимир Путин игълан иткән милли проектлар кысаларында Чаллыда соңгы берничә елда 9 мәктәп, 26 балалар бакчасы төзелде, бик күп юллар һәм иҗтимагый киңлекләр ремонтланды.
«Болар барысы да кешеләрнең тормыш дәрәҗәсен яхшырту өчен эшләнә», - диде Наил Мәһдиев.
Чаллыга «Татарстан - казанышлар республикасы» автобус марафоны килде. Әлеге проект кысаларында Чаллы хакиме Наил Мәһдиев, ТР Дәүләт Советының социаль сәясәт комитеты Светлана Захарова, ТР Дәүләт Советының бюджет, салымнар һәм финанслар буенча комитет рәисе Леонид Якунин, ТР Мәгариф һәм фән министры урынбасары Алсу Әсәдуллина республиканың соңгы елларда ирешкән уңышлары турында сөйләде.
Кунаклар илебезнең, республиканың һәм шәһәрнең уңышлары турында сөйләде һәм фикер алышты.