Бүген Чаллыга бик күп дәрәҗәле кунаклар килде. Алар арасында ТР Рәисе Рөстәм Миңнеханов, Россия сәнәгать һәм сәүдә министры Антон Алиханов та бар иде.
Орган залы янында Татарстан предприятиеләрендә җитештерелгән техника күргәзмәсе оештырылды. Анда күпчелекне автогигантта җитештерелгән йөк машиналары, хәрби техника, торак-коммуналь хуҗалык өчен махсус техника тәшкил итте. Күргәзмәне кичке 17 сәгатькә кадәр карарга мөмкин булды.
Орган залында республиканың машина төзүчеләре хөрмәтенә концерт булды. Алдынгыларга дәүләт бүләкләре тапшырылды.