Үзәк районы тарафыннан Бөтенроссия Гаилә, мәхәббәт һәм тугрылык көне алдыннан Энтузиастлар бульварында «Минем гаиләм - минем бәхетем» бәйрәм концерты оештырылды. Шәһәрдәшләребез каршында «Кызыл тау» мәдәният үзәгенең иҗат коллективлары күңелгә үтеп керерлек номерлар белән чыгыш ясады. Шулай ук «Бәхеткә ромашка бүләк ит» акциясе старт алды. Район администрациясе хезмәткәрләре һәм «Нур» яшьләр үзәге волонтерлары чаллылыларга ромашка сурәтләнгән матур стикерлар бүләк иттеләр.
Шулай ук күчмә фотозона оештырылды, анда һәр гаилә бәйрәмнең гүзәл мизгелләрен фотода чагылдыра алды.