Яр Чаллыда төзелеш һәм проект оешмалары вәкилләре катнашында семинар-киңәшмә узды.
Чара барышында ТР Дәүләт төзелеш күзәтчелеге инспекциясе башлыгы Василий Кудряшов, ТР Дәүләт төзелеш күзәтчелеге инспекциясе башлыгы урынбасары Линар Фатыйхов чыгыш ясадылар.
Киңәшмәдә каралган төп темалар булып шәһәр төзелеше законнарындагы үзгәрешләрне исәпкә алып дәүләт күзәтчелеген гамәлгә ашыру, юридик затларны һәм индивидуаль эшкуарларны «Контроль (күзәтчелек) эшчәнлеген автоматлаштыру буенча типик болыт чишелеше» дәүләт мәгълүмат системасын (ГИС ТОР КНД) кертү турында хәбәрдар итү, шулай ук 2023 елда күпфатирлы йортлар һәм (яки) башка күчемсез милек объектларының өлешләп төзелеше өлкәсендә төбәк дәүләт контролен (күзәтчелеген) гамәлгә ашыру үзенчәлекләре һәм төзелеш өлкәсендә дәүләт күзәтчелегенең актуаль темалары торды.