Чаллыдан Татарстан хәрбиләренә 20 тонна ярдәм җибәреләчәк, шул исәптән өч УАЗ, Нива, ВАЗ 2112 автомобиле. Әлеге ярдәмне «Үзебезнекеләрне ташламыйбыз 16» волонтерлар төркеме, шәһәр предприятиеләре һәм эшмәкәрләре оештырды. Ярымприцепны Руслан Нигъмәтуллинның «Далини» компаниясе бирә.
Йөкне Донецк һәм Луганскига илтәчәкләр. Ярдәм Татарстаннан мобилизацияләнгән һәм контракт буенча хезмәт итүчеләр полкы өчен билгеләнә. Аларга адреслы посылкалар, киемнәр, амуниция, генераторлар, төзелеш материаллары, маскировка челтәрләре алып барыла. Госпитальләргә һәм спецназ медротасына дарулар һәм медицина чаралары тапшырылачак.