Милли бәйрәм 10:00 сәгатьтә татар авылына стильләштерелгән яңа мәйданчыкта башланды.
Чаллылыларны милли бәйрәм белән котларга Татарстан Республикасы премьер-министры Алексей Песошин килде. Хөрмәтле кунакларны, алар арасында республика ведомстволары җитәкчеләре, район башлыклары да бар иде, шәһәр мэры Наил Мәһдиев каршы алды. Стильләштерелгән авыл территориясендә үткән гасырлар стилендә татар йортлары урнаштырылган. Кунакларга татар халкының көнкүреше тәкъдим ителде, чаллылылар төрле һөнәрләр белән танышты. Осталар кулдан эшләнгән әйберләрен: сандыклар, аяк киеме, самоварлар һәм башка күп нәрсәләрне күрсәттеләр.
Татар әкиятләре геройлары «Әкият» шәһәрчеге мәйданчыгында балаларның кәефләрен күтәрде. Шулай ук спектакльләр, биючеләр, җырчылар чыгышлары һәм хәтта цирк программасы оештырылды.
Шәһәр халкы тарафыннан йорт хайваннары белән вольерлар, бәйрәм өчен махсус корылган ясалма буа кызыксыну уятты. Шулай ук интерактив мәйданчыкларда милли әкият геройларының балчыктан коеп ясау, йон басу, милли орнаментлы әйберләр чигү һәм таш чүкечләрдә эшләү буенча мастер-класслар оештырылды.