Чаллының сәламәтлек ягыннан мөмкинлекләре чикле балалар өчен 88 нче мәктәбе укучылары Раил Козлов һәм Таһир Романов «Абилимпикс» чемпионатының милли этабында җиңде.
Раил Козлов «теш технигы» компетенциясе буенча өченче урынны яулады, ә Таһир Романов «1С типик чишелешләре буенча белгеч» компетенциясе буенча икенче урынга лаек булды.
Чемпионат «Яшьләр һәм балалар» милли проектының «Профессионалитет» федераль проекты кысаларында уздырылды.