«Ура! Каникуллар!» концерты

1 июнь – Халыкара балаларны яклау көне. Бу көнне илебезнең барлык почмакларында да һәр баланың бәхетле һәм имин балачакка булган хокукын яклауга багышланган чаралар уза. Безнең илдә 1 июнь бәйрәме җәйге каникуллар башлану белән туры килә, шуңа күрә балалар аны аерым шатлык белән көтеп алалар: «Ура! Каникуллар!». 2 нче санлы балалар музыка мәктәбе барыгызны да бу көнне «Тридевятое царство» скверында (ЗЯБ районы) ачык һавада билгеләп үтәргә чакыра. Кунаклар өчен балачак, җәй турында популяр җырлар яңгыраячак, кызыклы уеннар һәм викториналар оештырылачак.