«Мәхәббәттән мәхрүм сөеклеләр» спектакле

Бөек Ватан сугышы елларында кешелек кичергән газаплар еллар узу белән онытыла, юкка чыга бара. Совет хезмәт лагерьларында һәлак булган кызларның, үсмер кызларның һәм хатын-кызларның төгәл саны әле дә билгесез. Алар авыр һәм газаплы хезмәттән, авырулардан һәм ачлыктан, күзәтүчеләрнең җәбер-золымыннан үлгәннәр.

Мондый лагерьларның берсендә язмыш өч үсмер кызны: рус кызы Катяны, немец кызы Анна-Марияне һәм татар кызы Илсиярне очраштыра. Авыр хезмәт шартлары, лагерьдагы түзә алгысыз тормыш, рәхимсез мөгамәлә аларны качып китү турында уйларга мәҗбүр итә...