«Сөяркә» спектакле

Спектакльнең төп геройлары – Әнисә һәм Хәбир, алар бер-берсен чын күңелдән яраталар. Әмма Хәбирнең гаиләсе бар: ул өйләнгән һәм ике бала тәрбияли. 10 ел дәвамында өйләнгән ирнең сөяркәсе булган Әнисә үзе алдына сораулар куя: «Мәхәббәт гөнаһлы була аламы? Тормышымны дөрес яшимме икән?» Яраткан кешеңнән бала табу, әмма аның һәр кич саен үзен көтеп торган хатыны һәм балалары булган гаиләсенә кайтуын белеп яшәү – бу абсурд.

Саф җан белән гөнаһлы мәхәббәт арасындагы каршылыклар Хәбирне дә сайлау алдына куя. Мәхәббәткә шулай нык ябышкан гаиләле ир нинди карар кабул итәр? Тамашачылар моны спектакльне карагач беләчәкләр.