Яр Чаллыда гражданнарның сәламәтлеген саклау һәм социаль яклау мәсьәләләре буенча даими комиссия утырышы узды. Шәһәрдә күп балалы гаиләләргә социаль ярдәм чаралары турындагы доклад белән Башкарма комитет җитәкчесе урынбасары Рамил Хәлимов чыгыш ясады.
Яр Чаллы шәһәрендә гериатрик ярдәм үсеше турында Сәламәтлек саклау идарәсе җитәкчесе Александр Николаев сөйләде. Билгеләп үтик, сугыш ветераннары өчен госпиталь стационарының терапия бүлеге кысаларында 22 гериатрик койка эшли. 2020 ел эчендә анда 220 өлкән яшьтәге пациент реабилитация узды.