Үзәк районында Яңа ел чыршысын ачу тантанасы узды. Чаллы иҗат коллективлары, артистлар, әкияти персонажлар, Кыш бабай белән Кар кызы бергәләп, килгән халыкка бәйрәм тамашасы бүләк итте.
Бәйрәм чарасында Татарстан Республикасы Дәүләт Советы депутаты Олег Николаев, Үзәк районы хакимияте башлыгы Фидәрис Хәбибуллин, Шәһәр Советы депутаты Андрей Елантьев катнашты. Алар чаллылыларны киләсе Яңа ел белән котлады.
Иҗат коллективлары матур номерлар белән чыгыш ясады. Балалар өчен уеннар, төрле конкурслар оештырылды.