2023 елда социаль өлкә һәм инфраструктура төзелешенә 15 млрд. сумга якын акча җәлеп ителде һәм 318 мең кв. метрдан артык торак тапшырылды.
Узган ел 102 күпфатирлы йортта капиталь ремонт үткәрелде. Быел тагын 108не ремонтлау планлаштырыла. Шәһәрдә «Безнең ишегалды» программасы уңышлы эшли.
«Ел саен төзелешкә бирелгән рөхсәтләр саны артып бара. Аларның һәр икенчесе сәнәгать объектына бирелде. Бу яхшы шәһәр төзелеше потенциалы турында сөйли», - дип билгеләп үтте Наил Мәһдиев.