Чаллыда 422 ишегалдына 6 млрд 189 млн сумлык ремонт ясалды.
ТР Рәисе Рөстәм Миңнеханов тәкъдиме белән барлыкка килгән «Безнең ишегалды» программасы 2020 елда тормышка ашырыла башлады. Шул вакыттан бирле Чаллыда 422 ишегалды танымаслык итеп яңартылды.
Яр Чаллы шәһәре хакиме Наил Мәһдиев район башлыкларына һәм идарә итү компанияләренә төзекләндерелгән ишегалларына чәчәкләр, агач-куаклар утырту буенча эшләргә кушты.