Яр Чаллы шәһәре мэры Шәһәр балалар һәм яшьләр иҗаты сарае сәхнәсендә машина төзелеше тармагы хезмәткәрләренә һәм коллегаларына рәхмәт белдерде.
"Машина төзелеше - теләсә кайсы дәүләтнең нигезе, ә Россия Федерациясе кебек дәүләтнең-аеруча. Республикабызда күп кенә проектлар уңышлы алып барыла, чөнки Татарстан Республикасы җитәкчелегендә һәрвакыт инженер, техник белемле кешеләр булган һәм алар машина төзелеше тармагында эшләгән. Инженер-механик булып эшләгән һәм машина төзелеше тармагында да, сәясәттә дә югары үрләргә ирешкән Минтимер Шәрип улы Шәймиевне искә төшерик. Рөстәм Нургали улы Миңнеханов шулай ук инженер-механик. Җитәкчеләребезнең инженерлык фикерләве "Татарстан Республикасы" исемле зур корабны дөрес курс белән ышанычлы алып барырга мөмкинлек бирә", - диде ул.
Тантаналы чара барышында шәһәр башлыгы машина төзелеше хезмәткәрләренә "Яшь инженер" номинациясендә бүләкләр тапшырды.