Бүген Чаллыдан илебез хәрби көчләренә чираттагы шефлык һәм гуманитар ярдәм җибәрелде.
Хәрби хезмәткәрләргә 10 квадроцикл-вездеход һәм 10 прицеп җибәрелде. Гуманитар йөкне озатырга шәһәр хакиме Наил Мәһдиев, депутатлар, эшмәкәрләр, актив шәһәрдәшләр килде. Шәһәр хакиме Наил Мәһдиев июнь ае башында махсус хәрби операция зонасына барып, берничә подразделениедә булып, егетләр белән сөйләште. Аларга кирәк-яраклар тапшырды.
Госпитальләр өчен кондиционерлар да җибәрелде.