Җәйге каникулларда мәктәп һәм шәһәр яны, шулай ук ял һәм хезмәт лагерында 20 меңгә якын бала ял итәчәк.
Башкарма комитет җитәкчесе урынбасары Винер Харисов әйтүенчә, махсус хәрби операциядәге ир-егетләрнең 500дән артык баласы өчен лагерьләрдә ял итү бушлай. Чаллыда барлыгы 51 мәктәп яны, 49 ял һәм хезмәт отряды эшли.
«Лагерьләрдә күп бала ял итә. Безнең бурыч – аларның куркынычсызлыгын һәм иминлеген тәэмин итү. Балалар – иң кадерле кешеләр. Ял итү урыннарында катгый тикшерүләр даими үткәрелергә, куркынычсызлык тәэмин итү бүгенге көн таләпләренә җавап бирергә тиеш», – дип эйтте Наил Мәһдиев.