Бүген Автозавод районында Яр Чаллы халкы «Иске Яңа ел кебек!» концерт программасы белән Иске Яңа елны каршы алды. Бәйрәм чарасы "КАМАЗ" мәдәният сараенда узды.
Җыелучыларны Автозавод районы администрациясе башлыгы Винер Харисов котлады. Район халкы һәм шәһәр кунакларын "КАМАЗ" мәдәният сарае солистлары һәм иҗат коллективлары, "Шарм" мода театры, "Бисеринки", "Адажио" хореография ансамбльләре, "Бусинки", "Йолдыз" вокаль ансамбльләре үзләренең якты чыгышлары белән сөендерделәр. Кыш бабай һәм Кар кызы балалар өчен бүләкләр уйнатты.