"Орион" яшьләр үзәге «Доверие» психологик ярдәм үзәге белән берлектә бөтен гаилә өчен "Арбузник" бәйрәме оештырды. Программада катнашучыларга өч мастер-класс тәкъдим ителде: «Карбыз белән боулинг», «Карбызлы картина», «Тозлы карбыз». Һәр катнашучыга тозлы камыр кисәге өләштеләр, аннан үзеңнең уникаль карбызыңны ясап, буяп, өйгә алып кайтырга була. Бәйрәмне ябу тантанасында сабын күбегеннән күңелле тамаша булды.