Яр Чаллыда алтынчы ел рәттән ата-аналар өчен сынау БДИ тапшыру үткәрелә. 15 мартта өлкәннәр үз-үзләрен тикшерә һәм имтихан тотучы ролендә була алачак. Имтиханга үз мәктәбеңдә яки мәгариф идарәсендә (30-55-60) язылырга була.
Процедура БДИның төп этабы таләпләренә тулысынча туры килә: катнашучылар теркәлә, телефон һәм шәхси әйберләрен тапшыра, имтихан алды контроле уза, бланклар тутыра. Аннан соң БДИда катнашучыларга тәкъдим ителәчәк биремнәрдән төзелгән кыскартылган вариантта имтихан эшен язачаклар.
Имтихан үткәрү сораулары буенча 30-59-34 һәм 89656238525 телефоннары аша мөрәҗәгать итәргә мөмкин булачак.