Чаллының балалар бакчаларында бер елдан ике яшькә кадәрге балалар өчен 70тән артык төркем ачылды. Аларга 900 дән артык бала йөриячәк. Бу хакта Мәгариф идарәсе Башлыгы Рөстәм Хуҗин август конференциясендә хәбәр итте: "Замелекесье, Яшьлек, Яр буе микрорайоннарында урыннар җитмәү мәсьәләсе кала бирә. Кытлыкны киметү максатыннан, шәһәр бюджеты хисабына яңа төзелгән балалар бакчаларында өстәмә 125 урын булдырылды", - дип билгеләп үтте ул.
Яр Чаллыда 131 муниципаль мәктәпкәчә белем бирү учреждениесе бар, аларга 32 меңнән артык бала йөри.