Комсомол районында Инвалидлар декадасына йомгак ясалды. Декада кысаларында сәламәтлек ягыннан мөмкинлекләре чикләнгән кешеләр өчен бәйрәм программалары, конкурслар, ярышлар оештырылды, аларда 200дән артык кеше катнашты.
Чара йомгаклары буенча Комсомол районы хакимияте башлыгы урынбасары Эльвира Вәлиева чараларда катнашучыларга бүләкләр тапшырды: «Сезнең актив тормыш позициягез, иҗтимагый-сәяси тормышта катнашуыгыз, үзегезне иҗатта күрсәтә белүегез чын хөрмәт уята. Авыруга карамастан, сез гаҗәеп ихтыяр көченә ия, тормыш шатлыгын, аның игелеген һәм матурлыгын саклап калган кешеләр. Халыкара инвалидлар көне ярдәмгә мохтаҗ кешеләрнең язмышына битараф булмаган кешеләрне берләштерә», - дип билгеләп үтте ул.