Комсомол районында Дан аллеясында 1 нче комплекста яшәүчеләрнең традицион бәйрәме узды. Чараны Татарстан Республикасының атказанган мәдәният хезмәткәре, Яр Чаллы шәһәренең Мактаулы гражданины Гөлзадә Рзаева алып барды. Ул тамашачыларны шәһәр тарихы аллеясы буенча хәтирәләрен яңартты. Чулмандагы матур шәһәребезнең, Түбән Кама ГЭСының һәм КАМАЗ заводлары комплексының мөһим үсеш мизгелләренә кагылышлы фактларны искәрләп үтте.
Чарада Комсомол районы хакимияте Башлыгы вазифаларын башкаручы Фидарис Хәбибуллин катнашты. Ул шәһәрнең беренче төзүчеләренә һәм активистларына бүләкләр тапшырды.