Автозавод районында «муниципаль учреждение» категориясендәге территорияне төзекләндерү, яшелләндерү һәм чәчәк бизәлеше буенча шәһәр конкурсының район этабы тәмамланды.
Конкурс комиссиясе әгъзалары районның 14 муниципаль учреждениесенә бәя бирделәр. Бу №23,34,37,86 нчы мәктәпләр, №8,17,75,82,103,109, 110 нчы балалар бакчалары, шулай ук 1 нче балалар һәм яшьләр иҗаты Сарае, 7 нче балалар сәнгать мәктәбе һәм Җиңү ял паркы.
Үткәрелгән конкурс нәтиҗәләре буенча 1 урынны 17нче «Урман әкияте» балалар бакчасы алды, 2 урында 82 нче «Көнбагышкай» балалар бакчасы, 3 нче урында - 34 нче урта гомуми белем бирү мәктәбе.
«Иң яхшы чәчәкче» номинациясендә «Мәдәният һәм ял паркы» җиңү яулады. Икенче урында – мөмкинлекләре чикле балалар өчен 86 нчы «Өмет»интернат – мәктәбе, өченче урынны 8 нче «Зоренька» балалар бакчасы алды.
«Чәчәк ата торган йорт» номинациясендә беренче урынны 109 нчы «Курай» балалар бакчасы, икенче урынны 110 нчы «Курочка ряба» балалар бакчасы, өченче урынны 7 нче балалар сәнгать мәктәбе алды.