Бүген Яр Чаллы шәһәрендә ата-аналар өчен БДИ тапшыру оештырылды. «Ата-аналар тарафыннан бердәм БДИ тапшыру көне» бөтенроссия акциясендә шәһәр алтынчы ел рәттән катнаша. Бердәм дәүләт имтиханын тапшыруда 65 кеше үз көчләрен сынарга карар кылган.
Имтихан процедурасы БДИның төп этабы таләпләренә тулысынча туры килә: катнашучылар теркәлү уздылар, телефон һәм шәхси әйберләрен тапшырдылар, бланклар тутырдылар. Билгеләп үтик, имтихан эшен ата-аналар кыскартылган вариантта язалар.