Бүген шәһәр мэры 37 нче мәктәптә азык-телек блогын һәм туклануны оештыруны тикшерде. Әлеге белем бирү учреждениесендә 896 укучы белем ала. Монда җиде ел элек капиталь ремонт үткәрелгән иде. Мэр тикшерүне куркынычсызлыкны оештырудан башлады. Мәктәптә электрон йозак урнаштырылган, хосусый саклау оешмасы хезмәткәре эшли, видеокүзәтү системасы җиһазландырылган. Наил Мәһдиев мәктәптә куркынычсызлык системасы белән танышты.
Шулай ук мәктәптә туклануны оештыру тикшерелде. Мэр укучылар белән аралашты – икенче сменада 3 нче сыйныф укучылары өчен өстәлләр куелган. Төшке ашка ботка, токмач, кыяр, икмәк, баллы чәй һәм вафлялар әзерләнгән иде. Тулаем алганда укучылар тукланудан канәгать, бу турыда шәһәр мэрына үзләре әйттеләр. 37 нче мәктәп укучылары белән аралашканнан соң Наил Мәһдиев үзе дә төшке ашка керде.
Төшке аш барышында мәктәп директоры 37 нче мәктәптә 3 яңа педагогик класс ачылуын хәбәр итте. Аларда Чаллы дәүләт педагогия университетында максатчан белем алу килешүе төзелгән булачак укытучылар укый. Ата-аналар ягыннан да, укучылар ягыннан да кызыксыну бар. Бу юнәлешне алга таба үстерү планлаштырыла.