Пандемия башланганнан бирле шәһәрдә барлыгы 19 325 лабораториядә расланган covid-19 очрагы теркәлгән.
"Узган атна белән чагыштырганда коронавирус инфекциясенең лаборатор расланган очраклары артты. Шуңа күрә Министрлар Кабинеты хезмәт коллективларында маска режимы турында Карар кабул итте", – дип хәбәр итте Татарстан Республикасы буенча Роспотребнадзор идарәсенең Чаллы шәһәрендәге территориаль бүлеге башлыгы Илгизәр Бариев.