Бу көнне 5:00дән 6:00гә кадәр шәһәр мәчетләрендә бәйрәм намазлары узачак. Күмәк намазлар социаль дистанцияне үтәп, урамда узачак.
Шәһәр халкына һәм кунакларга уңайлы булсын өчен, 04:00 сәгатьтән шәһәрнең төп проспектлары буенча автобуслар йөриячәк.
Бәйрәм намазыннан соң өч көн дәвамында корбан чалырга була. Искәртеп узабыз, Чаллыда корбан чалу урыны итеп Сидоровка поселогындагы элеккеге ит комбинаты районы билгеләнгән. Мәйданчык өч көн дәвамында эшләячәк.