2024 ел нәтиҗәләре буенча Татарстан Республикасында суда 81 кеше һәлак булган, алар арасында — биш бала. Бу хакта ГИМСның Чаллыдагы бүлеге җитәкчесе Әбүзәр Ногманов әйтте.
Чаллыда су коену өчен куркыныч урыннар булып Габдулла Тукай исемендәге яр буе районында Мәләкәс елгасы һәм Кыңгыраулы күпер яны санала. Кызу көннәрдә биредә һәрчак кеше күп. Профилактик чаралар дәвам итәчәк.